Dida news: srpnja 2006

Bazen

Pošto se neće kupati prava ribica u bazenu u bazen je skočila Austrijska ribica koja uživa u baznu.

Cvijeće

Ljubici cvjeće raste i na betonu

Kupanje

Ljubica otvorila sezonu kupanja u svom bazenu

Smokve

Dana 21.7.2006.dozrele smokve u Šemovcu

Čekanje

Mi te čekamo a tebe nema pa nema
Nesmo gladni al smo jadni

LJUBICA

Otišla Ljubica u Austriju ,a njeni ljubimci neka tule za njom

Piše Zlata Kopas

Ve ja pripovedam,najte mi se nabezgavati. Kokoši mi po cel den čipelje po dvoru i gnoju. Fprašine se perušajo. Pergana kukmica krekori pod lopom. Nasregujem gde nese. Pošla sem metelne za mladinčetom.Zadregnola sem se i tak pobocnola kaj sem se ftelebila povdož.Opala sem na zopce. Dotmar sem itvalna i marod. Se me kotrige bole. Trebala bi se vračiti a morti iti i f špitalj.Bleščeci mi hičo i svečke vrte. Oču brcka zvrči.Na stegnu imam dango a na golenice drmesliko.Nemrem podjeno horbati.Samo se pestucam po stanju.Dok se negdateda skrtožim po vodo na zdenec,zemem čigo i vedrico z vožem z ganka. Nalejem škafa, denem na glavo svitka. Škaf se je lelutal,voda se je polkala do vedernjaka. Vože se je skoritelo,ščepci so mi okrepeneli. Vedrica je štrobonknola vu vodo. Nekaj je zakočantalo.Ja sem se lecnola i odbežala grapčakom. Prek tarab je sulaknol «Steliban». Ja sem se zazabila i presenetila.Komaj sem mu ime zagonola. To vam je lebodikaj, kalištoli i ništkoristi. Golokraka sem broljila po kmice i po blatu basamegala. Stara mamica na klopice momljajo,javčo i jamrajo. Samo mi zanovetajo i zadevajo. Nekaj mi lomoštri i kočanta na naižu. Negda čujem i škrebečanje. Morti je glođan ili mrakulja.Trešči mi sonce v joči. Zdruzgala sem i razdrlježđila rožđaka na steze. Kravo sem na paše skolenčila. Voza senom smo požrtili.Potlam sem š njega opala pikce. Išla sem nazrit i opala f čeber. Jaboke i slive so se pišive. V zobe mi je oglusno. Jela sem ocvirke. F čerevu imam klanje. Repa je robena, ido mi čami. Švarbom sem rasekla turkinjo i mezdrinje hitila f čavnjak. Maček me je zdrapal. Cucek mi je štomfe ščejal.Mošt je zbrižđal, gače so mi zaflibane. Prekšena deca so stokluvala i kolombruvala. Na jare so se drnjala i ščipala. Po danu so landrala i po štaglju holasila. Navečer so zijali i šklebave zobe klimali. Mam sojem zbadali drugi. Preveč jem je lepo po kote i ladicaj prekapati i fokštriti. Negda so po cel den bila cendrava.Posle plača so još dogo liktala. Ona velika «depinja» hoda sklasana i skosmana i sakam nabavrlja. Samo drlinče i trentereče. Tak more gvandriti, kaj je se negda i zadrkne v gotu.Nekoj den se je zaliknola z vodom. Mene je hitila snega v zatiljnjak. Znala je biti omosana i šmrkava. Jakoti je kuštrasta.V postelj sem dela ritka kaj mi blazine ne stroftenejo.Pikec je vudril v dunjo, senjača je sprla. Mačke koje na Cvetnico donesem svečenja denem na drvocep. To je zato kaj se z drvocepa samo vnaša v hižo.To je tak od zamana sveta. Išla sem z mekote, z motikom na pleče a za menom je šepljesala stara Kuštekica. Najempot se ona pošklizne, zavrišči... ja se okrenem....treskac! Šajba je scurela. Dok se je krava dojila štela je z repom fliknoti i šlignoti po licu, a z nogom lonca durnoti i oprčiti. Mleko je samo šučalo v dojačo dok se je dobro napasla.Pena je samo švastela. Štela se je i napunoti ako je vušla v deteljo. Nalejala sem ćupe štrifom. Mleko je napukalo. Sir se je zglenjavel. S kosicom sem koprive žela. Manola sem zaomce i potrla mu nosa.Pocek je sprl, coklin je pukel, šantalaba se je nagnola. Špičnjak se bo vdrl.Melja mi je došla na ošpitno. Grabim omikoma z lončičkom. Iščem cvilična vreča. Pojem pajtlat. Našla sem prnjavo culo. Vele da na pajtlinu puno vujma pobirajo. Od kolinjaka je narupela nekakva rulja. Zadrevenela sem se od straha. Nebom se šnjimi karala niti jem zdevala. Se jem bom tolnadila. Na podolju je prevladal harbud. Tockala sem z botom kaj prebijem leda. Batrivno sem stala na led i prepala. Sa sem premočila. Roke so mi ftrnole, za nofte mi je zašlo. Tabani so mi se ftrli. Noge so mi se zakučale. Sa sem zahirila. Pure so mi cvetje ošturkale, a race celoga koca zblandrile. Birke so dvora zatabale. Tuljavke sem roštala. Sađe so letele sakod. Negda sem nakinđurena hodala po selu i sakoga sem znala špecnoti z jezikom. I splasikati mu kojekaj. Mosiknolo se je i tresnolo. Padala je ploha. Pokazalo se je sonce.Gledela sem dondačo, kuliko bol etos vina i pšenice. Veter je punol i tresnol z oblokom. Koturala sem se po štengaj. S čelenkom sem bobnola i otrgla vogla. I sapa mi se je zaprla. Jedva sem se skoprcala. Počele so kokoši crkati. Došla je pošast, kotec je pun tekotov....
Ti «Tutma» kusasta, naj sakam svojega nosa ftikati. Počel je dežđ štrkati. Fčera se je sneg spergaval i malo poprašil. Natreščila sem si fanj vrpico. Predevčerom so ozova zapisali. Mužikaši so na svate igrali. Hegede so cviljile, bajs je dumel, Matura je v cimbulje nabijal. Ja nesem štela biti vute gungule.Još bi mi morti nešče i zaprdaval. Zežgala sem cokole skupa z obojki. Đekeca sem zažverčila z kolomazom. Napičila sem se na stričak.Poteršila sem s talami zemlje konoplje. Zemlja se je dala lepo odlupljivati. Z oščekom sem potprla trama. Kuvala sem krampapuljo. Jogenj je plasikal do prsnic. Se je pavočinje zgorelo. Ropčeca sem zakervala i negde zmantrala. Dečec je dekličke plazil jezika. I ona se je njemu bleščila.Ta «beda» me je samo zamudila. Dok zasedne, nezna se genoti. Dojde mi samo laparit.Hičo mi se kolobari pred jočijami. Bom očoravela. Noge so mi burlave i grbave. Guravomu čoveku je rekel doktor Bazijanec « gurajzlin kak šarajzlin». Nedušljivce koji so siputali pošiljal je peške vu Ferdinand k svetomu Ivanu Glavoseku. Na Veliki Petek se je v cirkve kozlalo. Žene so skuble i raščinjale mladino za svate. Ražali so velikoga ranjenika i presmodili mu vuva. Ranjica se je predrla s koje mladina vodo pije. Blinola sem jo,zesmrdela seje. Goske so plota oglodale.V lagvu je brbučkalo i grgljalo. Vino se je obrnolo i ciknolo. Puno je berse. Brenka curi. Neje dobro zaparjena. Podmeknola sem mertuka z kojega se nebo podlizavalo. Na lakomice so obroči popadali. Iščem piljka i zagvozdo. Našpranjila sem se. V galičnjaku se je guščar ftopil. Kača se sonča na kolju. Tiči so ošturkali sončenice. Škvorci so grozdje pozobali. Zajec je ostavil bombone pod leskom. Nažgala sem lampo,počelo se je kmičiti.Betežna sem. V glave mi tutmi. Čobe me žare. Lasi so mi narasli. Bom si futo splela i punta zafrknola.Z iglicami ga zapičim i denem podbadačo. Smetje sem skurila. Čerepovlje i cikovlje sem otpeljala v jarugo. Deca so po tarabaj šarala. Rasušeno motiko sem zamočila i zagvozdila. Toporišče je prnjadljivo. Nosil si je v cocličku cvrtje na sinokošo kaj si okrepolne malo zaolakne.Trnokopa mi je nešče fkral. Kramp visi na guvnjene vrate. Rasoje so rasađene. Vejača je pukla, samo da se ne raskolji. Škloca sem zgubila. Žene so perje čejale v struganke.
V rešetu so ščinjale semenje. Na koritu so pulkale graja i flake prale. Candre so opkuvavale. Bele vankušice plebale. Belilo so tegljale. V motilnice so putra motile, stepke pile i truskve jele. Bobnjar je bobnjal da se vtork deli deputat. Cvanka! Negde gori. Klenka! Nešče je vmrl.Dok mrtviku dva zvona zvone onda se to čuje ovak: Telo v zemljo, duša v nebo,a dok tri odjempot klopančo onda se čuje ovak:»Cingolingomalingo mrtvec ima falingo»... Još mi samo pomorete voza narinoti. Morti bo vlezel. Sečkara zadeva. Ja bom kormanila. Valjda se nekak prepefčem. Bom se smicala po vozu. Dobro sem nadrljala. Sama sem kupčala.Zvala sem susedo kaj mi pomore. Samo je zažmeknola zvusnicami. Rit mi je sprčila.Na Jakupino je cucinca navustila.Sakomu se nadraža s tom kusom. Stepala sem ritka. Na kobile sem hrž i jačmena čeljila. Hajdino i proho sem tokla. Se sem to na vetrenice zvetrila. Pozderje od konopelj sem rastepla a povesmo spravila. Bila sem jako trudna. Tak mi se je zejavalo kaj so mi se skoro laloke raskapčile. Ofrknola sem kluča, vrata so skreščala. Pečem smesnoga kruva.S krančecom si odrežem okrajca. Ščerbava sem, jem samo mekčo. Od kore mi se koca. Njo pojedo nazinki s posejami. S kropom sem se poparila. Imala sem skule na nogaj. Vrazila sem je na lopušinje od valjanki. Kvacala sem kokruzinje. Zagod sem bila gotova. Natorvala sem drača v čorgo i čarila doma. Prek brvi mi neje štela pomoći, samo je čobela. Rekla je da se neće nalecati. Kaje drago. Već bo i ona negde nadrocnola. Počkoma sem dela bavela nase i otklipsala glet kakva je to patalija i halabuka na križanju. Pukljavi klapak se je rasčeperil i trikmal z jednem gizdavem i kuražnem dečečincom kojemu je rekel da ga bo zahrčkal v nalejane kolomije.Te se je jako spesjal. Dok je bil mali, navek je lomantal sebom.Plašili so ga z bajukom i da ga bodo dali na kvarter. Bečal je kak vol. Na vojke sem obesila vonjenjake, štofenjake,svilaše i šamije. Tibet neje vlezel. Od mamice mi je ostal tušlin ili mandulja. Mladina se je počela kompesati. Blesiče se. Dežđ je pluščal. Prepuščala sem i delala stisko. Na lojtre so mi frlci popadali. Hajkala sem cundravoga konja i vozila protje. Prepali smo f štorgo i zaglibili.Dogo smo se zvlačili z gliba.Voz se je rašemperil. Po trsju sem paperkuvala posle branja. Bože kravice i štrige so se ftapljale v moštu.Podjenon so plazale i padale.Broždala sem drožđo.Sa seje splesnivela. Predrli so mi vuva dok sem bila mala. Svejedno nesem štela nositi minđuše. Napajala sem živino i snažila štalo.Z rasojami sem prepičila stakora. Drugi je šmugnol v prelo. Ostal mu je rep pičati. Nateknola sem ćupe na plot kaj se scede i osuše. Parmo sem spraznila. Ostali so sami tirki i mulje. Navdarila se je na mandale.Vidla sem jo kak okraja i zalukava.Onda se je zvrtela i odmeglila. Hurma jena. Drži se našpiček i sakam se napindelji. Ja jo ftrgnem na kolenu. Drufala sem trifrtalja vure Padalo je zdreva i s kamena. Nesem mogla pobeči niti se kam sktriti. Obleka mi je premočila. Fkočila sem se od zime. Drftala sem kake šiba. Te čas sem se zula i slekla. Spala sem razinjena. Dopoldan sem se rastezala. Jaboke bom kosala a ruške tokla. V šikarju je pred menom šlugnola lesica.Posanknola sem se po fajtnom listincu. Škornje so mi se osunole. Otrgla sem breberine. Našla sem prčko i zajčeva vuveka. Cvilidreta je odnekod opala na hrbet. Okrenola sem jo šibičkom. Smrdeči martin je spal na listu, a mali zajec se je ščučuril kre grabrovoga oštrčka. Sanjak se je leščal. Zadebala sem čičura. K meše smo išle v lepo nafaldane suknjaj. Jalže se je vidla bela pocuknjenka z našterkanemi špicami. Ja sem si začenola cakline. Delatenden nosim fonjo. Imam samo jeno, druge so se zdošle. Negda se znam nahero potpasati. Matura si je šulca zateknol. Lajbec mu je sperjen a lače sharjene. Dela na harmak i se je dal pod nikaj. Prestrla sem gunja. Natrgala šiblje i potkurila. Optom gošče moram potikati. Ja se stem nebom baktala. Sakem se nemrem ni meniti. Okre mene je sama bagra. Očeš dobro, nečeš dobro. Očeš zlo, z obedvemi rokami. Više mi ničega neje škoda. Verujte mi da sem vustala. A bormeš mi je i dodijalo. Morti ovo pripovedam zakalikali, vutaman. Odida vesim. Vezda boš čul. Makar sem se posasila i pamet mi je splasnola, odi,odi kaj ti nekaj povem. Slušaj me i naj zijake prodavati. Na proščenju pri Svete Jane, dečko je zval deklo pod šatro kaj je nekaj kupi. Ona mu je gizdavo odgovorila:» Srce imam, bapka jesem, gverca pila nebom»Em čkomi već jempot. Pripovedaš od Pantuša do Pilatuša. Jel čuješ kaj ti velim? Jel si prdasta? I naj se držati kak mokra pura i posran golub.

Šemovci, siječanj 2oo6.g.
Zlata Kopas